#19 - 畫揮春

日期:6/2/2016

傳統嘅揮春係用毛筆寫嘅,但又可唔可以畫出嚟嘅呢?今日係年廿八,唔大掃除,就一齊畫揮春吐。

杏芳特別抗拒字,總覺得自己唔識字,就畫唔到揮春。見到佢今堂一豎一橫咁樣嘗試畫,到最後甚至畫到三張自己嘅揮春,相信佢都估唔到自己真係得㗎!

桂暖用一絲一絲嘅筆觸畫揮春,白色同橙色响大紅揮春紙上顯得格外溫柔,係一張張充滿溫暖嘅祝福。

最令人意外嘅係梁蘇。佢平日沈默寡言嘅性格,就好似佢寫嘅字一樣,含蓄而有氣韻。梁蘇真係一位讀書人。佢一口氣寫咗好幾張揮春,下次應該鼓勵佢試下用毛筆,可能會寫得更畫興。

一向童心未泯嘅銀花擅長設計,將中文字化為圖像,又畫咗兩張可愛嘅出入平安。

畫完揮春後就正式過年,祝各位長者身體健康、出人平安!